భయంకరమైన పెద్ద గుండె కోత ఏమిటంటే......,
        జ్ఞపకాలను మరిచిపోలేక పోవడం..!
            మరిచిపోయామనుకుంటాం కానీ..,
                మతిలేని    మనసుకు  మరపు ఉండదేమో..!!

నా నీడవైతే నిన్ను విడిచి చీకటిలో బ్రతికేయవచ్చూ...,

నా కలవైతే నిదురకు దూరంగా ఉండిపోవచ్చూ..,

నా ఊహవైతే బరువెక్కిన హృదయంతో వెలివెసేయవచ్చూ..,

నా కన్నీరువైతే ఇంకిపోయేవరకూ విలపించవచ్చూ...,

నా ఊపిరే నువ్వైనప్పుడు ఎలా వదలను కడవరకు నీ నేస్తాన్ని????!!!

ఏమిటో..ఏంటో ఇదీ.. ఇదివరకెన్నడూ ఎరుగనిదీ...!!

ఎంత వద్దను కున్నా.. అంతగా కావాలనిపిస్తావు...!

 ఎంతో దూరంగా ఉన్నావ్ అనుకున్నా..అంతకంటే దగ్గరయి కనిపిస్తున్నావు...!
ఎందుకో తెలియదు.. ఎలానో తెలియదు..,

ఎవరికీ తెలియని నా ప్రపంచంలోకి యథాలాపనగా వచ్చేసావు...!

ఏమిటో..ఏంటో ఇదీ.. ఇదివరకెన్నడూ ఎరుగనిదీ..!!!

నువ్వు కలవైపోతే బాగుందేడి..., 

నా కన్నులను తెరవకపోదును..!

నువ్వు  మెలకువ ఐనా బాగుండేది..,

నా కన్నులను మూయకపోదును..!

బరువెక్కిన గుండెకు భోరున ఏడ్చే వెసులుబాటు ఇవ్వని బిజీ బ్రతుకు... !

బలవంతపు నగవులతో బహుబాగు నటనలకు బదులు యివ్వలేని అయోమయపు మనస్సు..! 

బరువును ,మోసీ మోసీ.. బాధ కూడా..బలిష్టమైపోయింది..!

బతుకు బరిలోన భలే పోరాటం భూమి మీద పడినంతనే, భారీ ప్రహసనం.!

బంధాలు ఎంత బలమైనవో...

అంతే బలహీనమైనవి  కూడా....

ప్రేమను పంచగలవు...

మనసును తుంచగలవు...

నేను నన్ను వెతికే వేళ..

నేను ఎవరని నన్ను ,నేను తెలుసుకునే ప్రయత్నంలో.. నేను ఎవరో తెలుసుకోవాలని ఇతరుల ప్రయాస..! 

కొందరు అర్థమయ్యానని అళా మామ్ అని ఆప్యాయతని పెంచారు..! కొందరు అదోలా చూసి, అవకాశం లేక అమ్మోరుననీ అవతల పెట్టారు..! అందరూ నను అక్కా.. అని ఆదరిస్తే.. అదంతా అభిమానమని  వారికై ఆదుర్థా పడిపోయా..! మరికొందరేమో ఆకశాన ఆశావహివంటే.. అవునా..నిజమా అని ఆలోచించే లోపునే..  నిజాయితీ లేమి.., అహం పాలు ఎక్కువ అనేస్తూ.. అచేతన మదిని ,అభాసుపాలు చేసి ... ఈసడించి అడుసున తొక్కేసారు.. ! 

నేను ఎవరని నన్ను ,నేను తెలుసుకునే ప్రయత్నంలో.. నేను ఎవరో తెలుసుకోవాలని ఇతరుల ప్రయాస..!  

నన్ను ,నేను  తెలుసుకునే ప్రయత్నంలోనే  ప్రశ్న లేని జవాబునై ప్రయాశ పడుతుంటే.., నువ్వు ఇదీ.. అంటూ ఒకరు నాపై చూపే అభిశంసన..! మనస్సును మెలిపెట్టే.., మాటల తూటాల అవహేళన..! 

నేను ఎవరని నన్ను ,నేను తెలుసుకునే ప్రయత్నంలో.. నేను ఎవరో తెలుసుకోవాలని ఇతరుల ప్రయాస..! 

మరికొందరేమో.. మనస్సుకు మరీ దగ్గర అయిపోయానని.. మోతాదు మించి భరించలేననీ.. మనసుపై మకిలిని ముద్రించారు..

నేను ఎవరని నన్ను ,నేను తెలుసుకునే ప్రయత్నంలో.. నేను ఎవరో తెలుసుకోవాలని ఇతరుల ప్రయాస..!