మార్పేముంది.. మహిళ కి మరో మహిళే ప్రత్యక్ష నరకం చూపిస్తున్నంత వరకూ...!
మార్పేముంది.. ఒక మాతృమూర్తే తనకు స్త్రీ శిశువు కలగకూడదని కలలు కంటున్నంత వరకూ..!
మార్పేముంది... తెగువ లేని మగువకు.. ఏటికోమారు శుభాకాంక్షలు మాత్రమే తెలుపుకుంటున్నందుకూ..!
మార్పేముంది... ముదుసలి ఐనా, పసికందైనా.. మృగాల చూపులు మారనంతవరకూ...!
మార్పేముంది... మాటమాటకీ మేమున్నామని మహిళా మనుగడను గుర్తుచేసుకోవాల్సిన దౌర్భాగ్యం మామూలైనంతవరకూ...!
మార్పేముంది.. సహనమే మహిళకు వ్యసనమైనంతవరకూ...!
మార్పేముంది... మహిళను మామూలు మనిషిగ సైతం చూడనంతవరకూ...!
మార్పేముంది.. మహిళా దినోత్సవాలు మరలా మరలా.. మననం చేసుకోవడానికీ..!
