నిదురపో  నా తల్లి నిదురపోవమ్మా .. ఈ నిదుర నీకు హాయినిచ్చు  నిండు రేయంతా ..
                                      పరుగు వొద్దు నీకు ఓ కాలమా... నీ తొందరకు రేయి కరిగిపోయెను ....
                                  అలుపెందుకే నీకు ఓ వీవనమా ...నా తల్లి ముంగురులు తాకి నీ జన్మధన్యమయ్యేను....  
                                  నిదురపో  నా తల్లి నిదురపోవమ్మా.. ఈ నిదుర నీకు  హాయి నిచ్చు నిండు రేయంతా..  !
                                    తొంగి చూడకే నీవు  ఓ స్వప్నమా ...నీ అలికిడికి నా పాప కనుపాపలు కదలాడెను....
                                     అసూయ పడకే నీవు ఓ చంద్రమా.. నా తల్లి మోము చూడ నిండు జాబిల్లి కాదా....
                                       నిదురపో నా తల్లి నిదురపోవమ్మా ...ఈ నిదుర నీకు హాయి నిచ్చు నిండు రేయంతా ...!!

                                                          పెదవి దాటని పదాలకి ...
                                                                   పయనమెరుగని పాదాలకి ....
                                                                             అంతం లేని ఆలోచనలకి ....
                                                                                       సొంతం  కాని పాశాలకి ...
                                                                                             మనసు సాగరం లో మహాసంగ్రామం.....!               

  

మనః పూర్వక మనోగతం , మరువనన్నది మధుర జ్ఞాపకం ....

    మది , యదల మహాసంగ్రామం .. మాయనిది ఇది విధి విరచిత కావ్య రూపం ...!

మనః పూర్వక మనోగతం , మరువనన్నది మధుర జ్ఞాపకం ....
    మది , యదల మహాసంగ్రామం .. మాయనిది ఇది విధి విరచిత కావ్య రూపం ...!

అరుణిమను   పులిమిన  ఆకశం ....
      అలసిన  సూర్యుని  విరామ పయనం...
             అలుపెరుగని  తరువు  వేచె చిరు ఝల్లు రాక కోసం...
                   అహో రాత్రుళ్ళు  వేచినా నువ్వు  రావని తెలిసి ... ఆహ్వానిస్తా  నేను నిను చేరే  చివరి క్షణం కోసం ....! 

   నన్ను విడిచి వెళ్ళిన నా ప్రాణం

నాతొ మాటలాడనన్నదా నీ మౌనం 

నీకై విలపించి  నా కన్నులాయెను సాగరం

ఆ కన్నీటి కెరటాలా రాగంలోనూ నీ నామం 

నన్ను చేసివేశావు ఓ శల్యం

నువ్వు రాక నిదురలేవనంటోంది నా నయనం 

నీ ఊహలాయెను ఓ జ్ఞాపకం 

ఆ జ్ఞాపకాలే నాలో నీకై రగిలే తీయ్యని గాయం 

నువ్వు లేవు అన్నాక  నే శూన్యం 

నాపై కరుణన్నదె లేదా ఓ ఆశా దీపం 

నే చూశాను శూన్యంలో  నీ రూపం 

ఆ రూపంలో కనిపిస్తుంది నా జీవిత గమనం